Saturday, April 30, 2016

മെയ്ക്ക് ഓവർ

മെയ്ക്ക് ഓവർന്നു പറഞ്ഞാൽ അദാണ്.
ആനന്ദവവല്ലി പതുക്കെ വന്ന് മുന്നിൽ നിന്നിട്ടും രണ്ട് വർഷത്തോളം അടുത്തടുത്ത സീറ്റിൽ ഇരുന്ന് ജോലി ചെയ്ത രതീഷിനോ വിനോദനോ ആളെ മനസ്സിലായില്ല. ഒരു വെള്ളി കഴിഞ്ഞ് തിങ്കൾ ആയതേ ഉണ്ടായിരുന്നുള്ളൂ. അതിന്നിടയിലാണ് ആനന്ദവല്ലിക്ക് മേക്കോവർ ചെയ്യാൻ തോന്നിയത്.
ടെലിഫോൺ വയർ പോലെ ചുരുണ്ട മുടി അടിച്ച് പരത്തി സ്ട്രെയ്റ്റൻ ചെയ്തതും, ഷാൾ ലെസ്സ് ചെസ്റ്റും, കൈയ്യില്ലാത്ത ചുരിദാറും മങ്കി ബലൂൺ പോലത്തെ ലെഗ്ഗിങ്ങ്സും കട്ടിക്കറുപ്പ് കണ്ണടയും ആനന്ദവല്ലിയെ അത്രക്ക് മാറ്റിക്കളഞ്ഞിരുന്നു.
മുഖത്തോട്ട് നോക്കി ചിരിച്ചിട്ടും ഹലോന്ന് ലോഗ്യം പറഞ്ഞിട്ടും രണ്ടാളുടെ മനസ്സിലും ഇതാരാണപ്പാ എന്ന സംശയവാതിൽ തുറക്കപ്പെട്ടില്ല. അന്നേരമൊരു ഫോൺ വിളി വന്നതിനാൽ മുന്നിലെ സ്ത്രീരത്നം അത് അറ്റൻഡ് ചെയ്യാൻ പിൻതിരിഞ്ഞപ്പോൾ രണ്ടു പേരും ഒരൊറ്റ വായിൽ ഒരൊറ്റ ശബ്ദത്തിൽ ആശ്ചര്യപ്പെട്ടു.

“അയ്യോ ഇത് ആനന്ദവല്ലിയല്ലേ...!!“

1 comment:

  1. “അയ്യോ ഇത് ആനന്ദവല്ലിയല്ലേ...!!“

    ReplyDelete